Wednesday, November 12, 2014

شو حاسس ؟

"شو حاسس ؟"

" حاسس إني جوعان."

" شو حاسس؟"

" حاسس إنو الدنيا برد."

"شو حاسس؟"

"حاسس بشوية وجع راس."

"شو حاسس؟"

"حاسس إني نعسان."

"شو حاسس؟"

"حاسس إنو ظهري مكسور.... بتعرف هيداك الشعور لما الولد الصغير يكون مع إمو و يكون حاسس بالأمان و فجأه يضيع.... حاسس إني يتيم مع إنو ما حدا مات ... حاسس إني بدي صرخ بكل طاقتي بس صوتي ,,, بس صوتي مخنوق... حاسس إني وحيد, حاسس إني ضعيف, حاسس إنو... ظهري مكسور.

و كمان حاسس إني جوعان و إنو الدنيا برد و بشوية وجع راس و إني نعسان... شو رأيك نولع شوية نار و نحمص شوية خبز مع جبنة و تعطيني حبتين بنادول و بعدين نروح ننام؟"




No comments:

Post a Comment

About Me

Palestinian/ Freelance writer, translator and Trainer./ I believe that writing is therapy and that is why I write./ 26 years old.
Designed ByBlogger Templates